Thursday, January 8, 2009

ആഗോള സാമ്പത്തിക മാന്ദ്യവും മാര്‍ക്സിസവും


ഇന്നലെ ഉച്ചക്ക് ഞാന്‍ ഊണ് കഴിക്കാന്‍ പോയപ്പോള്‍, ഹോട്ടലിലെ ഇക്ക പറഞ്ഞു "മോനേ, ഞങ്ങള്‍ ഈ മാസം കൂടിയേ ഇവിടെ കാണൂ....",
ഞാന്‍ ചോദിച്ചു "എന്തേ പെട്ടെന്ന്?"
ഇക്ക പറഞ്ഞു "ഇപ്പോഴേ
ആള്‍ക്കാര്‍ ആരും വരുന്നില്ല, വലിയ നഷ്ടത്തിലാണ് , ഇനി കുറച്ചു നാള്‍ കൂടി നിന്നാല്‍ ആകെ കുത്ത്പാളയെടുക്കേണ്ടി വരും"

ഞാന്‍ അതിശയിച്ചു പോയി, എല്ലാവരും മാന്ദ്യം എന്ന് പറയുമ്പോഴും അത് സാധാരണക്കാരെ ഇപ്രകാരം ബാധിക്കുന്നുവെന്ന് ഇപ്പോഴാണ് മനസിലായത്.

ആളുകള്‍ ചിലവ് ചുരുക്കുകയന്നോ? അതോ
ജോലിയില്ലാത്തതിനാല്‍ ഇവിടം വിട്ടു പോവുകയന്നോ? എന്തായാലും സ്ഥിതി വഷളായിക്കൊണ്ടിരിക്കുന്നു, ഇന്ത്യ എത്ര ഭദ്രമാന്നെനു പറഞ്ഞാലും ഇവിടെയും മാന്ദ്യത്തിന്റെ നിഴലുകള്‍ വീണു തുടങ്ങി. അത് സാധാരണക്കാരെ ബാധിച്ച് തുടങ്ങി.

ഇതിന് ആരാണ് ഉത്തരവാദി? തീര്‍ച്ചയായും കേന്ദ്ര ഗവണ്മെന്റ് തന്നെ. ഇന്ത്യന്‍ വിപണിയിലേക്ക് ഒരു നിയന്ത്രണവുമില്ലാതെ വിദേശ നിക്ഷേപം അനുവദിച്ച അവര്‍ അല്ലാതെ പിന്നെയാരാണ്?

നിക്ഷേപം നടത്തിയ വിദേശ കമ്പനികള്‍ നഷ്ടത്തിലായപ്പോള്‍ അവര്‍ ഇന്ത്യന്‍ കമ്പനികളിലെ നിക്ഷേപം തിരിച്ചെടുക്കുകയും അത് ഇന്ത്യന്‍ കമ്പനികളെ സാരമായി ബാധിക്കുകയും ചെയ്തു.

ഇനിയം അവര്‍ പാഠം ഉള്‍ക്കൊണ്ടിട്ടില്ല, ഇന്‍ഷുറന്‍സ് മേഖലയില്‍ വിദേശ നിക്ഷേപം ഉയര്‍ത്തി അവര്‍ അത് തെളിയിച്ചു. ഇടതുപക്ഷത്തിന്റെ ശക്തമായ ഇടപെടലുകള്‍ ഇല്ലയിരുന്നെന്കില്‍ ഇന്ത്യ എപ്പോഴേ പാപ്പരായേനെ.
ആഗോളവല്‍ക്കരണവും സ്വകാര്യവല്‍ക്കരണവും ഇനിയും നിയന്ത്രിചില്ലെന്കില്‍ അതിന് വലിയ വില നല്‍കേണ്ടി വരും.

അമേരിക്കയിലെന്താണ് സംഭവിച്ചത്? അവിടെ സ്വകാര്യവല്‍കരണം ആണ് എല്ലാം തകിടം മരിച്ചത്. സ്ര്‍്ക്കാരിന് കമ്പനികള്‍്ക്ക്മേല്‍് ഒരു നിയന്ത്രണവുമില്ലാതെ പോയി, അവര്‍ തോന്നിയ പോലെ കാര്യങ്ങള്‍ ചെയ്തപ്പോള്‍ സാമ്പത്തിക സ്ഥിതി തകര്‍ന്നു പോയി. ഇപ്പോഴും അമേരിക്കന്‍ മോഡല്‍ സാമ്പത്തിക പരിഷ്കരണം നടത്തുന്ന കേന്ദ്ര ഗവണ്മെന്റ് ഇതില്‍ നിന്നും പാഠം ഉള്‍്ക്കൊള്ളേന്ടതുന്ട് .

ഇവിടെയാണ്‌ മാര്‍ക്സിസത്തിന്റെ പ്രസക്തി. പണ്ടു സോവിയറ്റ് യൂണിയനിലും ക്യുബയിലും ഉണ്ടായിരുന്ന തികച്ചും യാഥാസ്തികമായ വ്യവസ്ഥിതിയല്ല, മറിച്ച്
ചൈനയുടേത് പോലെ കുറെ കൂടി പുരോഗനപരമായ ഒന്നാണ് വേണ്ടത്.

നിയന്ത്രിതമായ സ്വകാര്യ പന്കാളിത്തമാകാം ആകാം എന്നാല്‍ അമേരിക്കയിലേത്‌ പോലുള്ള സ്വകാര്യവല്‍കരണം ആകരുത് .

സ്വകര്യവല്‍കരണവും സ്വകാര്യ പന്കാളിത്തവും രണ്ടായി തന്നെ കാണണം. രാഷ്ട്ര നിര്‍മാണത്തിന് വേണ്ടി സ്വകര്യ സംരംഭകരുടെ സഹായം തേടുന്നതില്‍ തെറ്റില്ല, എന്നാല്‍ അമേരിക്ക ചെയ്തത് പോലെ എല്ലാം അവര്‍ക്ക് വിട്ടു കൊടുത്താല്‍ അതിന് വലിയ വില നല്‍കേണ്ടിവരും.

അമേരിക്കക്കാര്‍ അത് മനസിലാക്കി കഴിഞ്ഞു , സി എന്‍ എന്‍ കണക്ക് പ്രകാരം ഇപ്പോള്‍ അമേരിക്കയില്‍ ഏറ്റവും അധികം വിറ്റും പോകുന്നത് "ദാസ് കാപിറ്റലും"ഉം "കമ്മ്യൂണിസ്റ്റ് മാനിഫെസ്റ്റോ" യും ആയതില്‍ അതിശയിക്കേണ്ടതില്ല.

അത് കൊണ്ടു ഇന്ത്യയെ രക്ഷിക്കാന്‍ ഈ വരുന്ന ലോകസഭ തിരഞ്ഞെടുപ്പില്‍ ഇടതു മുന്നന്നിയെ വന്‍ ഭൂരിപക്ഷത്തോടെ വിജയിപ്പിക്കുവാന്‍ വിനീതമായി അഭ്യര്‍ത്ഥിച്ചു കൊള്ളുന്നു,അപേക്ഷിച്ചുകൊള്ളുന്നു..........

ലാല്‍ സലാം!

3 comments:

Malayora Karshakan said...

What u said is absolutely correct.
"The meaning of peace is the absence of opposition to Communisim."

Shino TM said...

Good thought keep spreading this message

Krishnan Athikkal said...
This comment has been removed by the author.