Lonely, Im Mr. Lonely,
I have nobody,
To call my owwnnn...
Im so lonely, Im Mr. Lonely,
I have nobody,
To call my owwnnn...
Im so lonely......
Akon പാടിയ ഈ ഗാനം പോത്തിന്റെ മൊബൈല്‍ ഫോണിലൂടെ ഒഴുകിയെത്തി, അടുത്തിരുന്ന പോത്തിന്റെ കണ്ണുകള്‍ ഈറനണിഞിരുന്നു. അതെ, പോത്ത് ഈയിടെ ഇങ്ങനെയാണ്, തന്‍റെ പ്രിയ സഖിയുടെ വേര്പാട് പോത്തിനെ ഇപ്പോഴും വേട്ടയാടുന്നു. (വേര്പാട് = അവള്‍ പോത്തിനെ പറ്റിച്ചു പോയി)
പോത്ത് അഥവാ ബെല്ലാരി അഥവാ ആന്‍സന്‍. ഏറണാകുളം ജില്ലയില്‍ പെരുംബാവൂരിനടുത്ത പുല്ലുവഴി എന്ന കൊച്ചു ഗ്രാമം, ഗ്രാമത്തിലെ ഏതൊരു പുല്ക്കൊടിക്കും, ഈ പേരു സുപരിചിതമാണ്. നാട്ടുകാര്‍ക്ക് പോത്ത് എന്ന് കേട്ടാല്‍ ഒരു മുഖമേ മനസില്‍ വരൂ അതാണ് പോത്ത്.
കേരളത്തിലെ പോത്ത് കച്ചവടത്തിലെ കുത്തക മുതലാളിയായ ജോര്‍ജേട്ടന്ടെ മകനാണ് ആന്‍സന്‍ എന്ന പോത്ത്, ദിവസവും കോടികള്‍ കൊണ്ട്‌ അമ്മാനമാടുന്ന പോത്തിന് അതിന്റെ അഹങ്കാരം തെല്ലയലത്ത് പോലുമില്ല, അതാണ് പോത്തിനെ വൃതൃസ്തനാക്കുന്നത്.
സുന്ദരന്‍, സുമുഖന്‍, സുശീലന്‍ (ഒരു കുപ്പി ബീയര്‍ പോലും ഇന്നേ വരെ അടിച്ചിട്ടില്ല - പിന്‍ കുറിപ്പ് : ഒരു ഗ്ലാസ് അടിക്കുംബോഴേക്കും പോത്ത് ഫ്ലാറ്റ്) സര്‍വോപരി കോടീശ്വരന്‍, എന്നിരുന്നാലും, പെണ്‍കുട്ടികള്‍ പോത്തിന് എന്നും അപ്രാപ്യമായിരുന്നു.
അങ്ങനെയിരിക്കുമ്പോഴാണ് അന്നമ്മ (യഥാര്‍ത്ഥ പേരല്ല) പോത്തിന്റെ ജീവിതത്തിലേക്ക് കടന്നു വരുന്നത്, അതവന്‍റെ ജീവിതം തന്നെ മാററിമറച്ചു. പോത്തിന്റെ മനസ്സില്‍ സന്തോഷ പൂത്തിരികള്‍ കത്തി.എന്നാല്‍ ഒരു നാള്‍ അവനോടു സലാം പറഞ്ഞു അന്നമ്മ പോയി.
അതിന് ശേഷം പോത്ത് ഇങ്ങനെയാണ്. ഞാന്‍ അവനോടു പറഞ്ഞു "എടാ പോത്തെ, നിന്നെ പോലെ കുറേ പോത്തുകള്‍ ഈ ലോകത്ത് ഉണ്ട്‌ അവളെ പോലെ പറ്റിക്കാന്‍ കുറേ അന്നമ്മമാരും. നിരാശാ കാമുകനായി ഇരിക്കാതെ അടുത്ത വഴി നോക്കെടാ"
അങ്ങനെ ഞങ്ങള്‍ കൂട്ടുകാരുടെ നിര്‍ബന്ധത്തിനു വഴങ്ങി പോത്ത് കല്യാണം കഴിക്കാന്‍ തീരുമാനിച്ചു.
നാട്ടില്‍ ഇതു വാര്‍ത്തയായപ്പോള്‍ പുല്ലുവഴിയിലെ കുടുംബ വീട്ടില്‍ പെണ്‍കുട്ടികളുടെ അപ്പന്മാര്‍ ക്യൂ നിന്നു. എന്നാല്‍ പോത്തിന് വന്ന കല്യാണ ആലോചനകള്‍ ഒന്നൊന്നായി മുടങ്ങി!
പോത്ത് ഞങ്ങളോട് പല കാരണങ്ങള്‍ പറഞ്ഞു, എന്നാല്‍ കാരണം അതൊന്നുമായിരുന്നില്ല.
ജോര്ജേട്ടന്‍ ആവശ്യപ്പെട്ട ഒരു കോടി കൊടുക്കാന്‍ അവരാരും തയ്യാറായില്ല.
വന്നവരില്‍ ഒരു കോടി കൊടുക്കാന്‍ കഴിവുള്ളവര്‍ ഇല്ലാതല്ല, എന്നാല്‍ അതിനുള്ള ഒരു മുതല്‍ വേണ്ടേ?
ആനയുടെ വില കൊടുത്ത് ആരെങ്കിലും പോത്തിനെ വാങ്ങിക്കുമോ?????
